當我走到無力再繼續落去時。。。

今日好似好長噤。。。

媽媽突然同我講﹕「我仲有幾多年丫﹖要錢定要一起既時間﹖」

做女既明佢講緊D乜野﹐但係我真係唔識點安慰佢。(如果你唔知我講乜﹐唔該睇完就算)

我寫呢篇文時好無奈﹐看見媽媽既背影行入房﹐我個心好酸。我既位係無得control﹐ 我只好叫佢唔好亂諗野 (因為我怕我亂諗野先)。

媽媽由朝到晚都膽心﹔擔心細路s讀書﹐擔心細路s面對既人生困難﹔擔心Daddy向香港既生活﹐擔心Daddy 面對既負擔﹔擔心我會唔會嫁得好﹐擔心我要當起呢頭家同時由要照顧將來自己頭家。。。

點解要甘擔心﹖細路s讀唔到書唔關你事﹐細路s將來都要學習面對人生既問題﹔點解要擔心Daddy﹖ Daddy 有佢既原因留向香港﹐有D野係迫唔到。點解要擔心我嫁得好唔好﹖我見到好多Work 唔到既婚姻問題﹐我會alert 同sensitive D﹐ 唔使擔心。。。

寫呢篇文時要好小心﹐因為唔想讀者意會錯我既原意。。。


慈愛既天父﹐

我站在你面前向你禱告。我心中好多唔開心既野﹐希望你攞開。我咁既心情唔可以cheer up Mommy﹐ 我需要你既幫助。我成日問你點解要放我向呢個家庭﹖一直到宜家我知道你想我去陪Mommy 過呢個時候。你教我要孝順父母﹐我真係日日夜夜去試﹔我就算發現幾多我唔想知既野﹐我都會去做我要做既野。天父﹐有時候覺得你呢個訓練真係好難好辛苦。我好想放棄﹐我好想不聞不問去做我自己﹐但係你永遠在我呼求時你更加攬得我好實﹐話我知你從來無放開我家上下﹐以我更加被你愛護。宜家我再次希望你俾我感受你幫我既feeling﹐我要企得住﹔就算無人同Mommy 一齊行呢條路﹐我都要好Positive 同Mommy 大步行﹐Mommy 愈覺無人在旁,希望你握住Mommy 隻手同我同佢行。天父﹐多謝你放Kenneth 在我們當中﹐當我唔好意思佢要勞心勞力幫Mommy 時﹐佢話可以照顧到Mommy 係佢既福。。。神呀﹐多謝你賜予我一個一個既天使幫手﹐多謝你。

以上既禱告係奉主耶穌的名而求 ~阿門。